გაცნობიერებული კვების პრაქტიკა დიეტის და შიმშილის ნაცვლად

წონასთან დაკავშირებული პრობლემები, ჭარბწონიანობის პრობლემა 21-ე საუკუნი ერთ-ერთი ყველაზე გავრცელებული პრობლემაა. უამრავი მეცნიერული კვლევის შედეგი ცხადჰყოფს, რომ სიმსუქნე სერიოზული ფსიქო-ემოციური და ბიოლოგიური პრობლემაა, ინტერნეტში ასე უხვად გავრცელებული ჯადოსნური დიეტები კი მხოლოდ და მხოლოდ მითი.

სტატისტიკის თანახმად, ზედმეტი წონის მქონე ყოველი ადამიანი საშუალოდ წელიწადში ოთხჯერ მაინც არის დიეტაზე. იმავე სტატისტიკის მიხედვით ითვლება, რომ დიეტაზე მყოფ ადამიანთა 95 პროცენტი დაკარგულ წონას რამოდენიმე თვეში უკან იბრუნებს. მათგან ორი მესამედი კი სამწუხაროდ იმაზე მეტს იმატებს, რაც დიეტის დროს დაიკლო. როგორც პენსილვანიისა და ნიუ-იორკის სამედიცინო უნივერსიტეტების პროფესორები აღნიშნავენ, „ზედმეტი წონის მქონე ადამიანთა გარკვეული ნაწილი სამუდამოდ ნებდება პრობლემას და თავს ანებებს ბრძოლას, დანარჩენები კი გარკვეული შედეგების მიღწევის შემდეგ ორჯერ მეტს იმატებენ“.

რატომ არის დიეტები უშედეგო, ან რაში მდგომარეობს გამოსავალი? ფსიქოლოგები და წონის პრობლემაზე მომუშავე სპეციალისტები თვლიან, რომ დიეტების უარყოფითი შედეგის მიზეზი კომპლექსურია და მრავალი ფაქტორით არის განპირობებული. ნომერ პირველი დამნაშავე კი, მიაჩნიათ, რომ თავად დიეტაა, რადგან „დიეტის კონცეფცია“ კვების რაციონის ცვლილებას მხოლოდ მოკლე დროით განაპირობებს და გრძელვადიან მყარ შედეგებზე არ არის ორიენტირებული.

ჭარბ წონასთან ბრძოლა მულტიდისციპლინურ და ტაქტიკურ მიდგომას მოითხოვს. ჩვენს ტვინში ხშირად არასწორ პროგრამებს „ვტვირთავთ“ და მსგავს შეცდომებს შესაბამისად პასუხობს სხეული. ემოციური შიმშილის ფატორები დეტალურად განხილული მაქვს სხვა სტატიებში, ამიტომ ახლა ერთ ძალიან ეფექტურ პრაქტიკაზე მოგიყვებით, რომელიც ჯანსაღი კვებითი ქცევის დანერგვას უწყობს ხელს.

ემოციური შიშილს, როგორც იცით, სტრესი განაპირობებს, სტრესის დროს კი ჩვენს ორგანიზმში სტრესის ჰორმონი კორტიზოლი გამოიყოფა, რაც ადრენალინის და ნორადრენალინის გამოყოფას უწყობს ხელს. ადრენალინი კი ჩვენს სხეულში მიმდინარე პროცესების აჩქარებას უწყობს ხელს. სწორედ ამ აჩქარებული ტემპის ბრალია, დიდი რაოდენობით საკვების მიღება, რადგანაც ამ სისწრაფით ორგანიზმი ვერ ასწრებს რეაგირებას და სანამ ჩვენი ტვინი აღიქვავს ე.წ. „ძღომას“ , საკვები უკვე ნორმაზე მეტი გვაქვს მიღებული.

გაცნობიერებული კვებითი პრაქტიკა ადამიანს ხელს უწყობს სტრესიის გამო სხეულში მიმდინარე აჩქარებული რიტმის დაბალანსებას, ანუ აჩქარების შემცირებას.

გაცნობიერებული ქცევითი პრაქტიკა ძალიან მარტივია:

• საკვების მიღების დროს შეანელეთ თქვენი ტემპი. ამისათვის კი სკამზე მოთავსდით კომფორტულად და 3-4 ჩასუთქვა განახორციელეთ დიაფრაგმით. ანუ, ღრმად ჩაისუნთქეთ;

• საკვების ლუკმებს შორის პაუზა გააკეთეთ 6-7 წამის განმავლობაში;

• თითოეული ლუკმა გაღეჭეთ 10-15 ჯერ. ამ დროს დაუკვირდით საკვების გემოებს, ფაქტურას და მიიღეთ სიამოვნება;

• პერიოდულად მოუსმინეთ თქვენს ორგანიზმს, იქნებ უკვე დანაყრდით და თუ თეფშზე რამდენიმე ლუკმა ჯერ კიდე გელოდებათ, დანაყრების შემთხვევაში ამ ლუკმებზე უარი თქვით;

თუ ამ პრაქტიკას 2-3 კვირის განმავლობაში სისტემატიურად გამოიყენებთ, თქვენი კვებითი ქცევა ბევრად გაუმობესდება.

მნიშვნელოვანი ფაქტები და რეკომენდაციები

თქვენი საკვების რაციონი დღეში უნდა შეადგენდეს დაახლოებით 70% ცილებს და ცხიმებს და 30% ნახშირწყლებს;

ბევრი ადამიანისთვის კვება ემოციური ფაქტორით არის განპირობებული. იმუშავეთ მწუხარების, ან სიხარულის დროს საკუთარი თავის საკვებით დაჯილდოვების ჩვევის მოცილებაზე.

შიმშილის ჰორმონის, გრელინის ჭარბი გამოყოფა ხელს უწყობს უძილობას. ამიტომ წონაში დაკლების მსურველთათვის მნიშვნელოვანია ძილის რეჟიმის მოწესრიგება.

პროდუქტები, რომლებიც უნდა სრულად ამოიღოთ კვებითი რაციონიდან ან მინიმალურამდე დაიყვანოთ: ტკბილეული, ცომეული, შებოლილი პროდუქტები, ე.ს. „ჯანქ ფუდი“ (ჩიფსები, ბურგერები, შემწვარი კარტოფილი) ტკბილი წვენები როგორც გაზირებული, ასევე ე.წ. ნატურალური წვენები.

ფაფებისა და ბურღულეულის ნაცვლად, უმჯობესია დილით ცილოვანი პროდუქტებით ისაუზმოთ – მაგალითად 2-3 ცალი კვერცხი.

გამორიცხეთ ნებისმიერი საკვების მიღება დაძინებამდე 3-4 საათით ადრე;

ცხიმიანი პროდუქტები არ ასუქებს. ცნობილია რომ ცხიმი განაპირობებს გრძელვადიანი დანაყრების შეგრძნებას. ამიტომ თამამად მიირთვით ხორცეული და თევზეული პროდუქტები როგორც მოხარშული, ასევე შემწვარი.

ბევრი ხილი იგივე ბევრი შაქარია. ხილი ზომიერად და შეზღუდულად მიირთვით, ისიც ჭამამდე 2 საათით ადრე, ან ჭამის შემდეგ 2 სააათში.

ბურღულეული პროდუქტები (წიწიბურა, ჰერკულესი, ბრინჯი, სიმინდის ფქვილი) იგივე ნახშირწყლოვანი პროდუქტებია და მათი კალორიულობა იგივეა რაც პურის. ამიტომ მათი მოხმარება 50 გრამზე მეტი დღეში, რეკომენდირებული არ არის.

არ გამოიყენოთ ხელოვნური დამატკბობლები. ისინი ანელებენ მეტაბოლიზმს, ზრდიან შიმშილის შეგრძნებას, იწვევენ მეორე ტიპის დიაბეტის ჩამოყალიბებას და ხელს უშლიან წონაში კლების პროცესს.

მართეთ სტრესი. სტრესი იწვევს ჰორმონი კორტიზოლის გამოყოფას, რაც ხელს უშლის ცხიმის წვას.

თუ თვლით, რომ დახმარება გესაჭიროება მავნე კვებითი ქცევის დასაძლევად, დამიკავშირდი ახლავე და დავიწყოთ თქვენი ბედნიერი და ჰარმონიული ცხოვრების კონსტრუირება.

ვიზიტის დასაჯავშნაღ დარეკეთ: 595 75 11 22

ხოლო თუ ჯერ კიდე ვერ გადაგიწყვეტიათ სპეციალისტთან მისვლა, შესაძლოა თვითგანვითარების სახელმძღვანელო - „მოგზაურობა თვითრეფლექსიის საოცრებათა ქვეყანაში“ თქვენი ცხოვრების ტრანსფორმაციის პირველი ნაბიჯებისათვის გამოგადგეთ და გადაწყვეტილების მიღებაშიც დაგეხმაროთ.

სახელმძღვანელო 2 ნაწილისაგან, 2 წიგნისაგან შედგება:

I ნაწილი - „თვითრეფლექსიის მეგზური“;

II ნაწილი - სამუშაო რვეული - თვითრეფლექსიის ა(მ)ბები“;

19 ინსტრუმენტი, რომელიც გამოიყენება პიროვნული და პროფესიული უნარების განვითარებისათვის;

2 ტესტი, რომელიც საშუალებას მოგცემთ დაადგინოთ პიროვნული საზღვრებისა და ასერტული ქცევის მაჩვენებელი;

14 წერილი სადაც განხილულია ბედნიერი, წარმატებული და ჰარმონიული ცხოვრების კონსტუირებისათვის გასათვალისწინებელი საკითხები და მეთოდები;

მისი შეძენა ონლაინ ახლავე შეგიძლიათ. წიგნი გამოგეგზავნებათ თქვენს მიერ მითითებულ მისამართზე. შესაკვეთათ მომწერეთ სოციალურ ქსელებში ან დამიკავშირდით: 595751122